မသန်စွမ်းမှုသည် လူ့ကိုယ်ခန္ဓာပေါ်တွင်ရှိသောချို့ယွင်းချက်များကြောင့်မဟုတ်၊ နေ့စဥ်ကျင်လည်နေကြရသော လူမှုအဖွဲ့အစည်းတွင်ကျင့်သုံးနေသော အဆင်မပြေဖြစ်နေသည့် အတားအဆီးများကြောင့် ချို့ယွင်းချင်ရှိနေသူ များရင်ဆိုင်နေရသော မစွမ်းဆောင်နိုင်သည့် ယာယီအခြေအနေတစ်ခုဖြစ်သည်။ ထိုအတားအဆီးများကိုဖယ်ရှား ပေးပါက မသန်စွမ်းသူများအနေဖြင့် ကိုယ်ကံကြမ္မာကို ကိုယ်တိုင်ဖန်တီးလာနိုင်မည်ဖြစ်သည်။

ဧဒင်ရိပ်မြုံကျင့်သုံးနေသော နှစ်လမ်းပြိုင်ချဥ်းကပ်မှုဆိုသည်မှာ မသန်စွမ်းကလေးတစ်ဦးချင်းစီ၏လိုအပ်သောဝန် ဆောင်မှုများကို အကောင်းဆုံးလက်လှမ်းမှီရရှိနိုင်အောင် လုပ်ဆောင်ပေးခြင်းနှင့်အတူ တစ်ပြိုင်တည်တွင် မသန် စွမ်းသူများအနေဖြင့် နေ့စဥ်လူမှုဝန်းကျင်တွင်အများနည်းတူ သာတူညီမျှအကျုံးဝင်လာစေနိုင်သည့်ဗျူဟာများ ချမှတ်လုပ်ဆောင်လာနိုင်အောင် ဆောင်ရွက်ခြင်းကို ဆိုလိုပါသည်။

မိသားစုအခြေပြုပညာရေးအစီအစဉ်သည် မသန်စွမ်းကလေးလိုအပ်နေသည့် ဝန်ဆောင်မှုများကို မိဘများမှစနစ် တကျလုပ်ဆောင်ပေးနိုင်ရန်နှင့် မိသားစုချမ်းသာသုခရရှိနိုင်ရေးအတွက် ဧဒင်ရိပ်မြုံမှဆန်းသစ်တီထွင်မိတ်ဆက် ပေးသော မသန်စွမ်းကလေးမိဘများအား ကျွမ်းကျင်မှုပံ့ပိုးမှုပေးသည့်အစီအစဉ် ဖြစ်သည်။

​