​ဆရာဝူ, ဦးဆောင်လမ်းပြပညာရေးကျွမ်းကျင်သူ, နန်နိန်းကျောင်း၊ တရုပ် ပြည်သည် ၂၀၂၃ ခုနှစ် ဩဂုတ်လ ၁၄ ရက်နေ့မှ ၁၈ ရက်နေ့အထိ ဧဒင် ရိပ်မြုံသို့လာရောက်လည်ပတ်သွားပါသည်။ ဧဒင်ရိပ်မြုံ၏ ဦးဆောင်လမ်း ပြပညာ ရေးအစီအစဥ်ကို လာရောက်ကူညီခြင်းဖြစ်ပြီး အထူးပညာရေး အစီအစဥ်၊ ပြန်လည်ထူထောင်ရေးအစီအစဥ်များကို လည်းလေ့လာကာ လိုအပ်သည့်အကြံများပေးသည့်အပြင် မသန်စွမ်းကလေးများ၏တိုးတက် မှုကို မည့်သို့စမ်းစစ် မှတ်တမ်းယူရမည့်ကို သင်ကြားပေးသွားပါသည်။

​ဧဒင်ရိပ်မြုံအနေဖြင့် မသန်စွမ်းမှုလက်မှတ်ရသင်တန်းကို အစဥ်တစ်စိုက် ပို့ချလာခဲ့သည်မှာ (၇) ကြိမ်မြောက်ဖြစ်ပြီ ဖြစ်ပါသည်။ (၆) ကြိမ်မြောက် ကို ၂၀၂၃ ခုနှစ် ဖေဖေါ်ဝါရီလမှ ဧပြီလအထိသော်လည်းကောင်း၊ (၇) ကြိမ်မြောက် ကို ၂၀၂၃ ခုနှစ် ဩဂုတ်လ ၉၁၈) ရက်နေ့မှ စက်တင်ဘာ လ (၁၆) ရက်နေ့အထိလည်းကောင်း ယခုနှစ်တွင် (၂) ကြိမ် ပို့ချနိုင်ခဲ့ ပါသည်။ ဧဒင်ရိပ်မြုံအနေဖြင့် မသန်စွမ်းကလေးများအား လိုအပ်နေ သောဝန်ဆောင်မှုများကို အခ ကြေးငွေမယူဘဲပေးနေသည်သာမက မသန်စွမ်းမှုအမြင်သစ်ကိုလည်း အမြဲတမ်း ဖြန့်ဝေနိုင်ရန်အတွက် မြန်မာနိုင် ငံတွင်မည့်သူကမှမပြုလုပ်သည့် ဤကဲ့သို့ သော မသန်စွမ်းမှုလက်မှတ်ရ သင် တန်းများကိုလည်း လုပ်ဆောင်နေပါ သည်။ ဧဒင်ရိပ်မြုံ၏ ချမှတ်ထားသောလုပ်ငန်းလေးရပ်မှ မသန်စွမ်းလောက တိုးတက်လာရန်အတွက် လုပ် ဆောင်နေခြင်းဖြစ်ပါသည်။ ဤသင်တန်းကို ဧဒင်ရိပ်မြုံမှ ပုံမှန်လုပ်ဆောင်သွား မည်ဖြစ်ပါသည်။

​ဧဒင်မသန်စွမ်းသက်ငယ်များပြုစုရာရိပ်မြုံအနေဖြင့် လူတိုင်း အကျုံးဝင်ပညာရေးကို မူကြိုကျောင်းများမှ စတင်နိုင်ရန် အတွက် စီမံကိန်းများလုပ်ဆောင်ခြင်းအားဖြင့် အမြဲတမ်း လှုံ့ဆောင်တိုက်တွန်းလာခဲ့သည်မှာဆယ်စုနှစ်ကျော်လာခဲ့ ပြီဖြစ်ပါသည်။ ယခုအခါ ဧဒင်ရိပ်မြုံကိုယ်တိုင်က မြောင်းတ ကာရှိ ဧဒင်ရိပ်မြုံပိုင် စီဒီီုနေရာတွင် ပထမဦးဆုံး အကျုံး ဝင်မူကြိုကျောင်းကို ၂၀၂၃ ခုနှစ် မေလမှစပြီး ဖွင့်လှစ်ခဲ့ပြီ ဖြစ်ပါသည်။ ထိုအကျုံးဝင်မူကြိုကျောင်းတွင် မသန်စွမ်း ကလေးကိုကိုင်တွယ်သည့်အတွေ့အကြုံရှိသော မူကြိုဆရာမဖြစ်သင်တန်းအောင်ထားသည့် ဧဒင်ရိပ်မြုံမှ အထူးပညာရေးဆရာမနှင့် လေ့ကျင့်ခန်း အကူဆရာမတို့က ဦးဆောင်ထားပါသည်။ 

​၂၀၂၃ ခုနှစ် စက်တင်ဘာလ (၁၇) ရက်နေ့တွင် ၂၀၂၃ ခုနှစ်တွင် ဧဒင်ရိပ်မြုံ မှ စီမံချက်ချမှတ်ထားသော ရန်ပုံငွေ ရှာဖွေသည့် ကံစမ်းမဲဖေါက်ခြင်းအစီ အစဥ်ကို အောင်မြင်စွာလုပ်ဆောင်နိုင်ခဲ့ပါသည်။ ဧဒင်ဝန်ထမ်းများ၊ မိဘများ၊ အခြားစေတနာရှင်များ၊ အလှူရှင်များ၏ ပူးပေါင်းပါဝင်မှုဖြင့် ယခုနှစ်တွင်လည်း သိန်း (၅၀) ကျော် ရန်ပုံငွေရှာဖွေ ပေးနိုင်ခဲ့ပါသည်။

​မသန်စွမ်းမိဘများနှင့်လက်တွဲပြီးကလေးများအားဝန်ဆောင်မှုကို လိုအပ် နေသောသူများထံသို့ ပိုမိုတိုးချဲ့ပေးနိုင်ရန်အတွက် ဧဒင်ရိပ်မြုံမှ ဆန်းသစ် ထားသောချဥ်းကပ်မှုအသစ်ဖြစ်သော ဤမိသားစုအခြေပြုပညာရေးအစီ အစဥ်ကို ကနဦးစမ်းသပ်ကာလတစ်နှစ်သတ်မှတ်ကာ စတင်လုပ်ဆောင် လာခဲ့သည်မှာ စမ်းသပ်ကာလပြီးခဲ့ပြီ ဖြစ်ပါသည်။ ဤစမ်းသပ်ကာလ အတွင်းတွေ့ရှိလာခဲ့သော အတွေ့အကြုံများကိုအခြေခံပြီး သာ၍ ထိ ရောက် သော လုပ်ဆောင်ချက်များဖြစ်လာရန် ဆက်လက်ကြိုးစား သွားမည်ဖြစ်ပါသည်။ ဤချဥ်းကပ်မှုအသစ်သည် တည်နေရာ အကွာအဝေးကြောင့်လက်လှမ်းမမီနိုင်ခြင်းဟူသည့်အတားအဆီးကို ကျော်လွှားကာ မသန်စွမ်းကလေးနှင့်မိသားစု များအား လိုအပ်သောဝန် ဆောငင်မှုဆိုင်ရာကူညီပံ့ပိုမှုများ ပေးလာနိုင်မည်ဖြစ်ပါသည်။

​ဧဒင်ရိပ်မြုံအနေဖြင့် ၂၀၂၃ ခုနှစ် ဒီဇင်ဘာလ (၂၂) ရက်နေ့တွင် နှစ်စဥ်ကျင်းပမြဲအတိုင်း ဧဒင်ရိပ်မြုံမသန်စွမ်း ကျောင်းသားများ၊ မိဘများအတွက်ခရစ္စမတ်ကို ကျင်းပမည်ဖြစ်ပါသည်။ ကလေးများ၏အစီအစဥ်များ၊ ခရစ္စမတ် လက်ဆောင်ပေးခြင်းများ၊ ဂိမ်းကစားခြင်းများ၊ နေ့လည်စာဖြင့်ဧည့်ခံကျွေးမွေးခြင်းတို့ကိုလုပ်ဆောင်ရန် ပြင်ဆင် ထားပါသည်။ မိဘများ၊ မိတ်ဆွေများ၊ ရပ်မိရပ်ဖများ အားလုံးလာရောက်ပါဝင်ပေးကြပါရန် ဖိတ်ခေါ်အပ်ပါသည်။